Flestar 'pluggable transport' tengileiðir, eins og t.d. obfs3 og obfs4, reiða sig á notkun brúarendurvarpa (bridge relay). Rétt eins og venjulegir Tor-endurvarpar, eru brýr reknar af sjálfboðaliðum; en ólíkt venjulegum endurvörpum, þá eru þær ekki birtar opinberlega, þannig að andstæðingar eiga ekki auðvelt um vik að finna þær. Samtvinnuð notkun brúa og 'pluggable transport' tengileiða hjálpar til við að fela notkun þína á Tor.

Aðrar 'pluggable transport' tengileiðir, eins og t.d. meek, notar aðra tækni til að komast hjá ritskoðun og reiða sig ekki á brýr til þess. Þú þarft því ekki nein brúavistföng til að nota þær tengileiðir.

AÐ FÁ VISTFÖNG FYRIR BRÝR

Vegna þess að vistföng brúa eru ekki opinber, verður þú að biðja sjálfur um þau. Þú hefur tvo kosti:

  • Heimsæktu https://bridges.torproject.org/ og fylgdu leiðbeiningunum sem þar eru, eða
  • Sendu póst á bridges@torproject.org frá Gmail, Yahoo eða Riseup tölvupóstfangi
AÐ SETJA INN VISTFÖNG FYRIR BRÝR

Þegar þú hefur fengið vistföng fyrir brýr, þarftu að setja þau inn í Tor-ræsinn.

Ef þú ert að keyra Tor-vafrann í fyrsta skipti, skaltu smella á 'Stilla' til að opna glugga með stillingum Tor-netkerfisins. Annars geturðu smellt á Tor-hnappinn vinstra megin við slóðastikuna, síðan valið 'Netkerfisstillingar Tor...' til að sjá þessa valkosti.

Í glugganum með netkerfisstillingum Tor, skaltu velja 'Tor er ritskoðað í landinu mínu.' Síðan skaltu velja 'Gefa brú sem ég þekki' og setja inn vistföng brúa, hvert í sína línu.

Smelltu á 'Í lagi' til að vista stillingarnar þínar. Að nota brýr getur hægt á tengingunni í samanburði við þegar notaðir eru venjulegir Tor-endurvarpar. Ef tengingin bregst, gæti verið að brýrnar sem þú fékkst liggi niðri. Notaðu einhverja af aðferðunum hér fyrir ofan til að ná þér í fleiri brúavistföng, og prófaðu síðan aftur.