Onion-þjónustur (áður þekkt undir nafninu “faldar þjónustur”) eru þjónustur (eins og vefsvæði) sem einungis eru aðgengilegar í gegnum Tor-netkerfið.

Onion-þjónustur hafa ýmsa kosti í för með sér fram yfir venjulegar þjónustur á hinum opinbera veraldarvef:

  • Staðsetning og IP-vistfang onion-þjónustu eru falin, sem gerir andstæðingum erfitt fyrir að ritskoða eða auðkenna rekstraraðila þjónustunnar.
  • Öll umferð milli Tor-notenda og onion-þjónustna er enda-í-enda dulrituð, þannig að þú þarft ekki að hafa áhyggjur af því hvort verið sé að tengjast með HTTPS.
  • Vistfang onion-þjónustu er útbúið sjálfvirkt, sem þýðir m.a. að rekstraraðilar þurfa ekki að kaupa sér nafn fyrir lén; URL-slóðin .onion hjálpar einnig Tor að tryggja að verið sé að tengjast við rétta staðsetningu og að ekki sé verið að eiga eitthvað við tenginguna.
HOW TO ACCESS AN ONION SERVICE

Rétt eins og með önnur vefsvæði, þarftu að þekkja vistfang/slóð á onion-þjónustu til að geta tengst henni. Onion-vistfang er strengur af 16 stöfum (og í sniðinu fyrir útgáfu v3 eru það 56), mestmegnis handahófskenndir bókstafir og tölustafir, fylgt með viðskeytinu '.onion'.

Þegar tengst er við vefsvæði sem notar onion-þjónustu, birtir Tor-vafrinn í slóðastikunni táknmynd af litlum grænum lauk sem stendur fyrir ástand tengingarinna: örugg og notar onion-þjónustu. Og ef þú ert að tengjast vefsvæði með HTTPS og onion-þjónustu, mun birtast táknmynd af grænum lauk og hengilás.

TROUBLESHOOTING

Ef þú nærð ekki tengingu við onion-þjónustuna sem þú þarft, gakktu fyrst úr skugga um að þú hafir sett onion-vistfangið rétt inn: minnstu mistök munu koma í veg fyrir að Tor-vafrinn nái sambandi við vefsvæðið.

Ef þér tekst ekki enn að tengjast onion-þjónustunni, prófaðu þá aftur síðar. Það gæti verið tímabundið tengivandamál í gangi, nú eða að rekstraraðilar vefsvæðisins hafi tekið það úr sambandi án aðvörunar.

Þú getur gengið úr skugga um hvort hægt sé að ná sambandi við aðrar onion-þjónustur með því að tengjast við onion-þjónustu DuckDuckGo