Onion-þjónustur (áður þekkt undir nafninu "faldar þjónustur") eru þjónustur (eins og vefsvæði) sem einungis eru aðgengilegar í gegnum Tor-netkerfið.

Onion-þjónustur hafa ýmsa kosti í för með sér fram yfir venjulegar þjónustur á hinum opinbera veraldarvef:

  • Staðsetning og IP-vistfang onion-þjónustu eru falin, sem gerir andstæðingum erfitt fyrir að ritskoða eða auðkenna rekstraraðila þjónustunnar.
  • Öll umferð milli Tor-notenda og onion-þjónustna er enda-í-enda dulrituð, þannig að þú þarft ekki að hafa áhyggjur af því hvort verið sé að tengjast með HTTPS.
  • Vistfang onion-þjónustu er útbúið sjálfvirkt, sem þýðir m.a. að rekstraraðilar þurfa ekki að kaupa sér nafn fyrir lén; URL-slóðin .onion hjálpar einnig Tor að tryggja að verið sé að tengjast við rétta staðsetningu og að ekki sé verið að eiga eitthvað við tenginguna.

HVERNIG Á AÐ TENGJAST ONION-ÞJÓNUSTU

Just like any other website, you will need to know the address of an onion service in order to connect to it. An onion address is a string of 56 letters and numbers, followed by ".onion".

Þegar tengst er við vefsvæði sem notar onion-þjónustu, birtir Tor-vafrinn í slóðastikunni táknmynd af litlum grænum lauk sem stendur fyrir ástand tengingarinna: örugg og notar onion-þjónustu. Þú getur fræðst meira um onion-vefsvæðið sem þú ert að skoða með því að kíkja á birtingu rása.

Önnur leið til að skoða upplýsingar um onion-vefsvæði væri ef vefstjóri þess hafi sett upp fyrirbæri sem kallast Onion-staðsetning (onion-location). Onion-staðsetning er óstaðlaður HTTP-haus sem vefsvæði geta notað til að auglýsa samsvarandi onion-vef. Ef vefsvæðið sem þú ert að skoða á sér líka onion-vefsvæði, mun birtast fjólublá áminning í staðsetningastiku Tor-vafrans með áletruninni ".onion er tiltækt". Þegar þú smellir á ".onion er tiltækt" verður vefsvæðið endurlesið og endurbeint á tilheyrandi onion-vef.

Onion-staðsetning

Til að gefa onion-útgáfu vefsvæðis forgang, geturðu virkjað sjálfvirka endurbeiningu með Onion-staðsetningu. Smelltu á aðalvalmyndina (≡ hamborgarann), farðu í Kjörstillingar (eða Valkostir á Windows), smelltu á Friðhelgi og öryggi og í kaflanum um Onion-þjónustur skaltu leita að færslunni "Gefa .onion-vefjum forgang þegar þeir eru þekktir." og merkja við valkostinn "Alltaf". Eða ef þú ert þegar með Tor-vafrann í gangi, geturðu afritað og límt þennan streng í nýjan flipa: about:preferences#privacy og breytt þessari stillingu.

AUÐKENNING Á ONION-ÞJÓNUSTU

Auðkennd onion-þjónusta er þjónusta á borð við onion-vefsvæði sem krefst auðkenningarteikns af hálfu biðlaraforrits Áður en veittur er aðgangur að þjónustunni. Sem Tor-notandi geturðu auðkennt þig beint í Tor-vafranum. Til að fá aðgang að þessari þjónustu, þarftu að fá aðgangsauðkenni hjá rekstraraðila onion-þjónustunnar. Þegar komið er inn á auðkennda onion-þjónustu mun Tor-vafrinn birta tákn fyrir lítinn gráann lykil í veffangastikunni, auk vísbendingar sem birtist við yfirsvif bendils. Settu gildan einkalykil þinn í inntaksreitinn.

Auðkenning biðlara

VILLUR Í ONION-ÞJÓNUSTUM

Ef þú getur ekki tengst við onion-vefsvæði, mun Tor-vafrinn gefa upp sérstaka villumeldingu með upplýsingum um hvers vegna vefsvæðið sé ekki aðgengilegt. Villur geta komið upp í mismunandi lögum: villur í biðlara (forriti notandans), villur í netkerfi eða villur í þjónustum. Sumar af þessum villum er hægt að lagfæra með því að fylgja leiðbeiningum til að finna lausn á vandamálum. Taflan sýnir allar mögulegar villur og til hvaða aðgerða þú ættir að taka til að leysa vandamálið.

Kóði Titill villu Stutt lýsing
XF0 Onion site Not Found Líklegasta skýringin er að onion-svæðið sé ekki nettengt eða sé óvirkt. Hafðu samband við stjórnendur onion-svæðisins.
XF1 Onion site Cannot Be Reached Ekki er hægt að tengjast onion-svæðinu vegna innri villu.
XF2 Onion site Has Disconnected Líklegasta skýringin er að onion-svæðið sé ekki nettengt eða sé óvirkt. Hafðu samband við stjórnendur onion-svæðisins.
XF3 Unable to Connect to Onion site Onion-svæðið er upptekið eða Tor-netið yfirhlaðið. Reyndu aftur síðar.
XF4 Onion site Requires Authentication Aðgangur að onion-svæðinu krefst lykilorðs en ekkert var gefið upp.
XF5 Onion site Authentication Failed Lykillinn sem þú gafst upp er rangur eða hefur verið afturkallaður. Hafðu samband við kerfisstjóra onion-svæðisins.
XF6 Invalid Onion site Address Uppgefið vistfang onion-svæðisins er ógilt. Gakktu úr skugga um að þú hafir sett það rétt inn.
XF7 Onion site Circuit Creation Timed Out Mistókst að tengjast onion-svæðinu, mögulega vegna lélegrar nettengingar.

LAUSN Á VANDAMÁLUM

Ef þú nærð ekki tengingu við onion-þjónustuna sem þú baðst um, gakktu fyrst úr skugga um að þú hafir sett onion-vistfangið rétt inn: minnstu mistök munu koma í veg fyrir að Tor-vafrinn nái sambandi við vefsvæðið.

Ef þér tekst ekki enn að tengjast onion-þjónustunni eftir að hafa yfirfarið vistfangið, prófaðu þá aftur síðar. Það gæti verið tímabundið tengivandamál í gangi, nú eða að rekstraraðilar vefsvæðisins hafi tekið það úr sambandi án aðvörunar.

Ef onion-þjónustan sem þú ert að reyna að tengjast samanstendur af 16-stafa streng (snið útgáfu V2), þá er sú tegund vistfangs á leiðinni í úreldingu.

Þú getur prófað hvort hægt sé að ná sambandi við aðrar onion-þjónustur með því að tengjast við onion-þjónustu DuckDuckGo.