Kur nisni Shfletuesin Tor, do të shihni dritaren “Lidhuni me Tor-in”. Kjo ju ofron mundësinë ose të lidheni drejtpërsëdrejti me rrjetin Tor, ose të përshtatni Shfletuesin Tor për lidhjen tuaj. Ka një kutizë, për të cilën pyetet nëse doni të lidheni përherë automatikisht te rrjeti Tor, nëse është kështu, i vini shenjë kutizës.

LIDHU

Klikoni mbi “lidhu” që të lidheni me Tor-in

Në shumicën e rasteve, zgjedhja e “Lidhu” do t’ju lejojë të lidheni me rrjetin Tor pa ndonjë formësim të mëtejshëm.

Pasi të klikohet, do të shfaqet një shtyllë gjendjeje, ku tregohet ecuria e lidhjes së Tor-it. Nëse gjendeni në një lidhje relativisht të shpejtë, por kjo shtyllë duket sikur ka ngecur në një farë pike, provoni “Asistent Lidhjeje”, ose shihni faqen Diganostikim për ndihmë se si të zgjidhet problemi. Ose, nëse e dini se lidhja juaj censurohet, ose përdor një ndërmjetës, duhet të klikoni mbi “Formësoni Lidhje”.

Klikoni mbi “Formësoni Lidhje” që të përimtoni rregullime rrjeti

ASISTENT LIDHJESH

Nëse Tor-i është i bllokuar në vendndodhjen tuaj, prova me një urë mund t’ju ndihte. Asistenti i Lidhjeve mund të zgjedhë një për ju duke përdorur si bazë vendndodhjen tuaj.

Asistent Lidhjesh i automatizuar

Nëse Asistenti i Lidhjeve s’është në gjendje të përcaktojë vendndodhjen tuaj, ose doni të formësoni lidhjen dorazi, mund të përzgjidhni rajonin tuaj që nga menuja hapmbyll dhe të klikoni mbi “Provo një Urë”.

Formësim Asistenti Lidhjesh

FORMËSOJENI

Shfletuesi Tor do t’ju shpjerë përmes një vargu mundësish formësimi.

Asistenti i Lidhjeve ju informon mbi gjendjen e lidhjes tuaj Internet dhe lidhjen tuaj në rrjetin Tor.

Test i suksesshëm Lidhjeje

Test i pasuksesshëm Lidhjeje

Kutiza e parë është “Nisje e shpejtë”. Në u përzgjedhtë, sa herë që hapni Shfletuesin Tor, do të provojë të lidhet duke përdorur rregullimet tuaja të mëparshme për rrjetin.

Nisje e shpejtë

Nëse e dini se lidhja juaj censurohet, ose keni provuar dhe s’ia dolët të lidheni me rrjetin Tor dhe s’bëri dot gjë ndonjë zgjidhje tjetër, mund ta formësoni Shfletuesin Tor të përdorë një transport shtojcë. “Ura” do të shfaqë ndarjen Anashkalim, për të formësuar një transport shtojcë, ose për t’u lidhur duke përdorur Ura.

Formësoni urë Tor

MUNDËSI TË TJERA

Nëse lidhja juaj përdor një ndërmjetës, mund ta formësoni duke klikuar mbi “Rregullime…” dhe “Formësoni se si lidhet në Internet Shfletuesi Tor”. Në shumicën e rasteve, kjo s’është e nevojshme. Zakonisht do ta dini, nëse ju duhet të përzgjidhni këtë kutizë apo jo, ngaqë i njëjti rregullim do të përdoret për shfletues të tjerë në sistemin tuaj. Në qoftë e mundur, kërkojini përgjegjësit tuaj të rrjetit t’ju udhëzojë. Nëse lidhja juaj s’përdor ndërmjetës, klikoni mbi “Lidhu”.

Rregullime ndërmjetësi për Shfletuesin Tor