FLASH PLAYER

វេបសាយ​វីដេអូ​ដូចជា Vimeo ប្រើប្រាស់​កម្មវិធី​ជំនួយ Flash Player ដើម្បី​បង្ហាញ​វីដេអូ។ ជាអកុសលកម្មវិធី​ជំនួយ​នេះ​ដំណើរការ​ដាច់ដោយឡែក​ពី​កម្មវិធី​រុករក Tor ហើយ​មិន​ងាយ​នឹង​ធ្វើ​ឱ្យ​វា​គោរព​តាម​ការកំណត់​ប្រុកស៊ី​របស់​កម្មវិធី​រុករក Tor នោះទេ។ ដូច្នេះ វា​អាច​លាតត្រដាង​អាសយដ្ឋាន IP និង​ទីតាំង​ពិតប្រាកដ​របស់​អ្នក​ទៅកាន់​អ្នក​គ្រប់គ្រង​វេបសាយ ឬ​ទៅកាន់​អ្នកឃ្លាំមើល​ខាងក្រៅ។ ហេតុផល​នេះ Flash ត្រូវបាន​បិទ​តាម​លំនាំដើម​នៅក្នុង​កម្មវិធីរុករក Tor ហើយ​ការ​បើក​វា មិន​ត្រូវបាន​ណែនាំ​ឡើយ។

វេបសាយ​វីដេអូ​មួយចំនួន (ដូចជា YouTube) ផ្ដល់​ជម្រើស​វិធី​បញ្ជូន​វីដេអូ​ដែល​មិន​ត្រូវការ​ប្រើប្រាស់ Flash។ វិធី​ទាំងនេះ​អាច​ត្រូវគ្នា​នឹង​កម្មវិធី​រុករក Tor។

JAVASCRIPT

JavaScript គឺជា​ភាសា​កូដ​ដែល​វេបសាយ​ប្រើប្រាស់​ដើម្បី​ផ្ដល់​នូវ​ធាតុ​អន្តរកម្ម​ដូចជា វីដេអូ គំរូជីវចល សំឡេង និង​ស្ថានភាព​បន្ទាត់​ពេលវេលា។ ជាអកុសល JavaScript ក៏អាច​ឱ្យ​មាន​ការវាយប្រហារ​ទៅលើ​សន្តិសុខ​នៃ​កម្មវិធី​រុករក​ផងដែរ ដែល​អាច​នាំ​ទៅដល់​ការ​បង្ហាញ​នូវ​ភាព​អនាមិកឡើងវិញ។

Tor Browser រួមនឹង មុខងារបន្ថែម ហៅថា NoScript។ វាអាចចូលទៅប្រើបានតាម "ចំណង់ចំណូលចិត្ត" (ឬ "ជម្រើស" នៅលើ Windows) នៅលើ hamburger menu (≡) បន្ទាប់មក ជ្រើសរើស 'Customize' និង ទាញចូលរូបតំណាង "S" ទៅដាក់នៅខាងស្តាំដៃរបស់ window។ NoScript អនុញ្ញាតឲ្យអ្នកគ្រប់គ្រង JavaScript(និង scripts ដទៃទៀត) ដែលដំណើរការនៅលើទំព័រវិបនិមួយៗ ឬប្លក់វាទាំងអស់តែម្តង។

អ្នកប្រើប្រាស់ដែល​ត្រូវការ​កម្រិត​សន្ដិសុខ​ខ្ពស់​នៅក្នុង​ការរុករក​អ៉ីនធឺណិត គួរ​កំណត់​កម្មវិធីរុករក Tor កម្រិត​សន្ដិសុខ ទៅកាន់ "សុវត្ថិភាពជាង" (ដែល​បិទ JavaScript សម្រាប់​វែបសាយ​អត់មាន HTTPS) ឬ "សុវត្ថិភាពបំផុត" (ដែល​កំណត់​ដូចគ្នា​សម្រាប់​គ្រប់​វែបសាយ)។ ទោះយ៉ាងណា ការបិទ JavaScript នឹង​ធ្វើឱ្យ​វែបសាយ​មួយចំនួន​បង្ហាញ​មិនត្រឹមត្រូវ ដូច្នេះ​ការកំណត់​លំនាំដើម​នៃ​កម្មវិធីរុករក Tor គឺ​អនុញ្ញាត​ឱ្យ​គ្រប់​វែបសាយ​ទាំងអស់​ដំណើរការ​ស្ក្រីប​នៅក្នុង​ទម្រង់ "ស្ដង់ដារ"។

កម្មវិធី​បន្ថែម​របស់​កម្មវិធី​រុករក

កម្មវិធី​រុករក Tor គឺ​ពឹងផ្អែក​លើ Firefox និង​កម្មវិធី​បន្ថែម​ផ្សេងទៀត​របស់​កម្មវិធី​រុករក​ដទៃទៀត ឬ​រូបរាង​ដែល​ត្រូវគ្នា​នឹង Firefox ក៏​អាច​ដំឡើង​នៅលើ​កម្មវិធី​រុករក Tor បានដែរ។

ទោះយ៉ាងណា មានតែ​កម្មវិធីបន្ថែម​ដែល​បាន​តេស្ត​ជាមួយ​កម្មវិធីរុករុក Tor ប៉ុណ្ណោះ​ត្រូវបាន​ដាក់បញ្ចូល​ជាស្រេច។ ការដំឡើង​កម្មវិធីបន្ថែម​សម្រាប់​កម្មវិធីរុករក​ផ្សេងទៀត អាចនឹង​ធ្វើឱ្យ​ខូចមុខងារ​ខ្លះ​នៅក្នុង​កម្មវិធីរុករក Tor ឬបង្ក​បញ្ហា​ធ្ងន់ធ្ងរ​ដែល​ប៉ះពាល់​ដល់​ឯកជនភាព និង​សន្ដិសុខ​របស់​អ្នក។ យើង​ពិតជា​មិន​លើកទឹកចិត្ត​ឱ្យ​ដំឡើង​កម្មវិធីបន្ថែម​ផ្សេងទេ ហើយ​គម្រោង Tor នឹង​មិន​ផ្ដល់​ការគាំទ្រ​សម្រាប់​ការកំណត់​ទាំងនោះ​ឡើយ។