កម្មវិធី Tor Browser សម្រាប់ប្រព័ន្ធប្រតិបត្តិការ Android ។

Tor សម្រាប់ Android គឺជាកម្មវិធីរុករកតាមទូរស័ព្ទផ្លូវការតែមួយគត់ដែលត្រូវបានគាំទ្រ និងអភិវឌ្ឍដោយគម្រោង Tor ។ វាដូចជាកម្មវិធី Tor សម្រាប់ Desktop ប៉ុន្តែវាសម្រាប់ឧបករណ៍ចល័ត Android របស់អ្នក។ មុខងារ​ចម្បង​មួយចំនួន​របស់​កម្មវិធីរុករក Tor សម្រាប់ Android រួមមាន៖ កាត់បន្ថយ​ការតាមដាន​នៅលើ​វេបសាយ ការពារ​ប្រឆាំងនឹង​ការឃ្លាំមើល ទប់ទល់​នឹងការ​បោះពុម្ព​ខ្ចៅដៃ​កម្មវិធីរុករក និង​ការជៀសវាង​ការឃ្លាំមើល។

ការទាញយក និងការដំឡើង

មាន​កម្មវិធី​រុករក Tor សម្រាប់ Android និង Tor សម្រាប់ Android (អាល់ហ្វា)។ អ្នកប្រើប្រាស់ដែលមិនមែនជាបច្ចេកទេសគួរតែទទួលបាន Tor សម្រាប់ប្រព័ន្ធប្រតិបត្តិការ Android ដែលវាមានស្ថេរភាព និងមិនសូវមានកំហុស។ កម្មវិធី​រុករក Tor សម្រាប់ Android គឺ​មាន​នៅលើ Play Store, F-Droid និង​វែបសាយ​គម្រោង Tor។ វា​ហានិភ័យ​ខ្ពស់ពេល​ដែល​ទាញយក​កម្មវិធី​រុករក Tor ក្រៅពី​ប្រភព​ទាំងបី​នេះ។

Google Play

អ្នក​អាច​ដំឡើង​កម្មវិធី​រុករក Tor សម្រាប់ Android ពី Google Play Store

F-Droid

គម្រោង The Guardian ផ្ដល់​កម្មវិធី​រុករក Tor សម្រាប់ Android នៅលើថត F-Droid របស់​ពួកគេ។ ប្រសិនបើ​អ្នក​ចង់​ដំឡើង​កម្មវិធី​ពី F-Droid សូម​អនុវត្ត​តាម​ជំហាន​នេះ៖

  1. ដំឡើង​កម្មវិធី F-Droid នៅលើ​ឧបករណ៍ Android របស់​អ្នក​ពី វែបសាយ F-Droid។

  2. បន្ទាប់ពីដំឡើង F-Droid សម្រាប់បើកកម្មវិធី

  3. នៅ​ផ្នែក​ខាង​ក្រោម​ស្ដាំដៃ សូម​បើក "ការកំណត់"។

  4. នៅ​ខាងក្រោម​ផ្នែក "My Apps" សូម​បើក ថត។

  5. ចុច​បើក "Guardian Project Official Release"។

  6. ឥឡូវ​នេះ F-Droid ទាញយក​បញ្ជី​កម្មវិធី​ពី​ថត​របស់​គម្រោង The Guardian (ចំណាំ៖ វា​អាច​ចំណាយ​ពេល​ពីរ​បី​នាទី)។

  7. ចុច​ប៊ូតុង ត្រឡប់ក្រោយ នៅ​ផ្នែក​ខាង​លើ​ឆ្វេងដៃ។

  8. បើក "Lastest" នៅ​ផ្នែក​ខាងក្រោម​ឆ្វេងដៃ។

  9. បើកអេក្រង់ស្វែងរកដោយចុចលើកែវពង្រីកនៅផ្នែកខាងក្រោមផ្នែកខាងស្តាំ។

  10. ស្វែងរក "កម្មវិធីរុករក Tor សម្រាប់ Android"។

  11. បើកលទ្ធផលសំណួរដោយ "The Tor Project" ហើយតំឡើង។

គេហទំព័រគម្រោង Tor

អ្នក​ក៏​អាច​ទាញយក​កម្មវិធី​រុករក Tor សម្រាប់ Android ដោយ​ទាញយក និង​ដំឡើង apk ពី វែបសាយ​គម្រោង Tor

ដំណើរការ​កម្មវិធី​រុករក TOR សម្រាប់ ANDROID លើកដំបូង

នៅពេល​អ្នក​ដំណើរការ​កម្មវិធី​រុករក Tor លើកដំបូង អ្នក​នឹង​ឃើញ​ជម្រើស​ដើម្បី​តភ្ជាប់​ទៅ​បណ្ដាញ Tor ដោយ​ផ្ទាល់ ឬក៏​កំណត់​កម្មវិធី​រុករក Tor សម្រាប់​ការតភ្ជាប់​របស់​អ្នក​ជាមួយ​រូបតំណាង ការកំណត់។

ភ្ជាប់

Connect to Tor Browser for Android

ករណីភាគច្រើន ការជ្រើសយក "ភ្ជាប់" នឹងអនុញ្ញាត្តអោយអ្នកតភ្ជាប់ទៅកាន់ប្រព័ន្ធបណ្តាញ Tor ដោយមិនតម្រូវអោយមានការកំណត់អ្វីទាំងអស់។ នៅពេលប៉ះ ការផ្លាស់ប្តូរប្រយោគនឹងបង្ហាញនៅផ្នែកខាងក្រោមនៃអេក្រង់ ដែលបង្ហាញពីដំណើរការនៃការតភ្ជាប់របស់ Tor ។ ប្រសិនបើ​អ្នក​កំពុង​នៅលើ​ការតភ្ជាប់​ដែល​មាន​ល្បឿនលឿន ប៉ុន្តែ​អត្ថបទ​នេះ​ហាក់ដូចជា​ជាប់គាំង​នៅ​ចំណុច​ណាមួយ សូម​មើល​ទំព័រ ការដោះស្រាយ​បញ្ហា ដើម្បី​ជា​ជំនួយ​ក្នុងការ​ដោះស្រាយ​បញ្ហា។

កំណត់រចនាសម្ព័ន្ធ

Configure Tor Browser for Android

ប្រសិនបើ​អ្នក​ដឹង​ថា​ការតភ្ជាប់​របស់​អ្នក​ត្រូវបាន​គេ​ឃ្លាំមើល នោះ​អ្នក​គួរ​ជ្រើសរើស​យក​រូបតំណាង ការកំណត់។ កម្មវិធីរុករក Tor នឹងបង្ហាញអ្នកពីរបៀបនិងជម្រើសនៃការរៀបចំការកំណត់ជាបន្តបន្ទាប់។ អេក្រង់​ដំបូង​នឹង​ប្រាប់​អ្នក​អំពី​ស្ថានភាព​បណ្ដាញ Tor និង​ផ្ដល់​ឱ្យ​អ្នក​នូវ​ជម្រើស​ដើម្បី​កំណត់ Bridge ('កំណត់រចនាសម្ព័ន្ធ Bridge')។ ប្រសិនបើ​អ្នក​ដឹងថា​ការតភ្ជាប់​របស់​អ្នក​ត្រូវបាន​គេ​ឃ្លាំមើល ឬ​អ្នក​បាន​ព្យាយាម​តភ្ជាប់ និង​បានបរាជ័យ​ក្នុងការ​តភ្ជាប់​ទៅកាន់​បណ្ដាញ Tor ហើយ​គ្មាន​ដំណោះស្រាយ​ណាមួយ​ដំណើរការ​ទេ​នោះ សូម​ចុច​លើ 'កំណត់រចនាសម្ព័ន្ធ Bridge'។ អ្នក​នឹង​ត្រូវ​នាំ​ទៅកាន់​អេក្រង់ ការប្រុងប្រយ័ត្ន ដើម្បី​កំណត់​ការដឹកជញ្ជូន​ដែល​អាច​បត់បែនបាន។

CIRCUMVENTION

Bridge គឺជាឧបករណ៍សម្រួលការទំនាក់ទំនងរបស់ Tor ដែលមិនត្រូវចុះក្នុងថតឯកសារសាធារណៈរបស់ Tor។ Bridgeមានប្រយោជន៍សម្រាប់អ្នកប្រើប្រាស់ Tor ដែលរស់ស្ថិតក្រោមរបបគៀបសង្កត់ និងសម្រាប់អ្នកដែលចង់បានស្រទាប់សុវត្ថិភាពបន្ថែម ពីព្រោះពួកគេបារម្ភថានរណាម្នាក់នឹងដឹងថាពួកគេកំពុងទាក់ទងអាសយដ្ឋាន IP បញ្ជូនត Tor ជាសាធារណៈ។

ប្រើការតភ្ជាប់ដែលអាចបត់បែនបាន ចុចរូបតំណាងកំណត់នៅពេលចាប់ផ្ដើម Tor លើកដំបូង។ អេក្រង់​ដំបូង​ប្រាប់​អ្នក​អំពី​ស្ថានភាព​នៃ​បណ្ដាញ Tor។ ចុចលើ 'កំណត់ Bridge' ដើម្បី​កំណត់ bridge។

Censored internet on Tor Browser for Android

អេក្រង់​បន្ទាប់​ផ្ដល់​នូវ​ជម្រើស​ដើម្បី​ប្រើ bridge ដំឡើង​ស្រាប់ ឬ​ក៏​ប្រើ bridge ផ្ទាល់ខ្លួន។ ជាមួយ​នឹង​ជម្រើស "ប្រើ Bridge" អ្នក​នឹង​មាន​ជម្រើស​បី៖ "obfs4", "meek-azure" និង "snowflake"។

Select a bridge on Tor Browser for Android

Selected a bridge on Tor Browser for Android

ប្រសិនបើអ្នកជ្រើសរើស "Provide a Bridge I know" ជម្រើសបន្ទាប់មកអ្នកត្រូវបញ្ចូល bridge address.

Provide a bridge on Tor Browser for Android

Provide bridge addresses on Tor Browser for Android

ការគ្រប់គ្រងអត្តសញ្ញាណ។

អត្តសញ្ញាណថ្មី

New Identity on Tor Browser for Android

នៅពេល​កម្មវិធី​រុករក Tor កំពុង​ដំណើរការ អ្នក​អាច​មើល​ឃើញ​វា​នៅលើ​ផ្ទាំងជូនដំណឹង​របស់​ឧបករណ៍​របស់​អ្នក បន្ទាប់ពី​ពង្រីក​វា​ដោយ​ប៊ូតុង "អត្តសញ្ញាណថ្មី"។ ចុច​ប៊ូតុង​នេះ នឹង​ផ្ដល់​ឱ្យ​អ្នក​នូវ​អត្តសញ្ញាណ​ថ្មី។ ខុសពីកម្មវិធី Tor នៅលើ Desktop ប៊ូតុង "អត្តសញ្ញាណថ្មី៉" នៅក្នុងកម្មវិធី Tor សម្រាប់ Android មិនបានការពារអ្នកការតភ្ជាប់នៃសកម្មភាពប្រើប្រាស់អុីនធឺណេតនិងអ្វីដែលអ្នកកំពុងធ្វើនោះឡើយ។ ការជ្រើសរើស​វា នោះ​វា​គ្រាន់តែ​ផ្លាស់ប្ដូរ​ច្រក Tor របស់​អ្នក​ប៉ុណ្ណោះ។

ការកំណត់​សុវត្ថិភាព

Security settings and security slider on Tor Browser for Android

ការកំណត់​សន្តិសុខ បិទ​មុខងារ​វែបសាយ​ណា​ដែល​អាច​ត្រូវបាន​គេ​ប្រើ​ដើម្បី​ជ្រៀត​ចូល​សន្តិសុខ និង​ភាព​អនាមិក​របស់​អ្នក។ កម្មវិធី​រុករក Tor សម្រាប់ Android ផ្ដល់​នូវ​កម្រិត​សន្តិសុខ​បី​កម្រិត​ដូចគ្នា​នឹង​នៅលើ​កុំព្យូទ័រ​ដែរ។ អ្នក​អាច​កែប្រែ​កម្រិត​សន្តិសុខ ដោយ​អនុវត្ត​តាម​ជំហាន​ដែល​ផ្ដល់​ឱ្យ៖

  • ចុច​លើ​ប៊ូតុង ចុច​បី​បញ្ឈរ នៅក្នុង​របារ URL។
  • រំកិល​ចុះក្រោម ហើយ​ចុច​លើ "ការកំណត់"។
  • ឥឡូវ អ្នក​អាច​ជ្រើសរើស​ជម្រើស​មួយ ឧ. ស្ដង់ដារ សុវត្ថិភាពជាង ឬ សុវត្ថិភាព​បំផុត។

កំពុងធ្វើបច្ចុប្បន្នភាព

កម្មវិធីរុករក Tor ត្រូវធ្វើបច្ចុប្បន្នភាពជាប្រចាំ។ ប្រសិនបើអ្នកនៅប្រើប្រាស់កម្មវិធី Tor ដោយមិនធ្វើបច្ចុប្បន្នភាព ហានិភ័យនៃការបំបែកប្រព័ន្ធសុវត្ថិភាពលួចចម្លងទិន្ន័យឯកជនភាព និងអនាមិកភាពរបស់អ្នកគឺមានការប្រឈមខ្លាំង។ អ្នក​អាច​ធ្វើ​បច្ចុប្បន្នភាព​កម្មវិធី​រុករក Tor ដោយ​ស្វ័យប្រវត្តិ ឬ​ដោយ​ខ្លួន​ឯង។

កំពុង​ធ្វើ​បច្ចុប្បន្នភាព​កម្មវិធី​រុករក Tor សម្រាប់ Android ដោយ​ស្វ័យប្រវត្តិ

វិធី​នេះ​សន្មត​ថា​អ្នក​បាន​ដំឡើង Google Play ឬ F-Droid នៅលើ​ឧបករណ៍​ចល័ត​របស់​អ្នក។

Google Play

Updating Tor Browser for Android on Google Play

ចុច​លើ​មឺនុយ​ហាំប៊ឺហ្គឺ​នៅជាប់​នឹង​របារ​ស្វែងរក ហើយ​ចូលទៅ "កម្មវិធី & ហ្គេម​របស់​ខ្ញុំ" > "ធ្វើ​បច្ចុប្បន្នភាព"។ ប្រសិនបើ​អ្នក​ស្វែងរក​កម្មវិធី​រុករក Tor នៅលើ​បញ្ជី​កម្មវិធី​ដែល​ត្រូវការ​ធ្វើ​បច្ចុប្បន្នភាព សូម​ជ្រើសរើស​វា ហើយ​ចុច​ប៊ូតុង "ធ្វើ​បច្ចុប្បន្នភាព"។

F-Droid

Updating Tor Browser for Android on F-Droid

ចុច​លើ "ការកំណត់" បន្ទាប់មក​ទៅកាន់ "គ្រប់គ្រង​កម្មវិធី​ដែល​បាន​ដំឡើង"។ នៅ​អេក្រង់​បន្ទាប់ សូម​ជ្រើសរើស​កម្មវិធី​រុករក Tor ហើយ​ចុងក្រោយ​ចុច​លើ​ប៊ូតុង "ធ្វើ​បច្ចុប្បន្នភាព"។

កំពុងធ្វើបច្ចុប្បន្នភាព Tor នៅលើ Android ដោយខ្លួនឯង

ចូលមើល វេបសាយ​គម្រោង Tor និង​ទាញយក​កម្មវិធី​រុករ​ចុងក្រោយ​បង្អស់​របស់ Tor បន្ទាប់មក ដំឡើង ដូច​ពីមុន។ ក្នុងករណីខ្លះ កំណែចុងក្រោយ​កម្មវិធី​រុករក Tor នឹង​ដំឡើង​លើ​កំណែចាស់ ដូច្នេះ​សូម​ធ្វើបច្ចុប្បន្នភាព​កម្មវិធី​រុករក។ ប្រសិនបើ​ធ្វើដូចនេះ​មិន​អាច​ធ្វើបច្ចុប្បន្នភាព​កម្មវិធី​រុករក​ទេ អ្នក​ប្រហែល​ជា​ត្រូវ​លុបកម្មវិធី​រុករក Tor ចេញ មុននឹង​ដំឡើង​វា​ឡើងវិញ។ នៅពេល​កម្មវិធីរុករក Tor ត្រូវបានបិទ សូម​លុប​វា​ចេញ​ពី​ប្រព័ន្ធ​របស់​អ្នក​ដោយ​ការ​ប្រើ​ការកណត់​ឧបករណ៍​របស់​អ្នក។ អាស្រ័យលើ​ម៉ាក​ឧបករណ៍​ចល័ត​របស់​អ្នក សូម​ចូលទៅកាន់ ការកំណត់ > កម្មវិធី បន្ទាប់មក​ជ្រើសរើស​កម្មវិធីរុករក Tor ហើយ​ចុច​ប៊ូតុង "លុប​កម្មវិធី"។ បន្ទាប់មក ទាញយក​កំណែចុងក្រោយ​របស់​កម្មវិធីរុករក Tor ហើយ​ដំឡើង​វា។

កំពុងលុប

កម្មវិធី​រុករ Tor សម្រាប់ Android អាចត្រូវបាន​លុបចេញ​ដោយផ្ទាល់​ពី F-Droid, Google Play ឬ​ពី​ការកំណត់​កម្មវិធី​របស់​ឧបករណ៍​ចល័ត​របស់​អ្នក។

Google Play

Uninstalling Tor Browser for Android on Google Play

ចុច​លើ​មឺនុយ​ហាំប៊ឺហ្គឺ​នៅជាប់​របារ​ស្វែងរក ហើយ​ចូលទៅ "កម្មវិធី និង​ហ្គេម​របស់​ខ្ញុំ" > "ដំឡើង"។ ជ្រើសរើស​កម្មវិធី​រុករក Tor ពី​បញ្ជី​ដំឡើង​កម្មវិធី បន្ទាប់មក​ចុច​ប៊ូតុង "លុបកម្មវិធី"។

F-Droid

Uninstalling Tor Browser for Android on F-Droid

ចុច​លើ "ការកំណត់" បន្ទាប់មក​ទៅកាន់ "គ្រប់គ្រង​កម្មវិធី​ដែល​បាន​ដំឡើង"។ នៅ​អេក្រង់​បន្ទាប់ ជ្រើសរើស​កម្មវិធី​រុករ Tor ហើយ​ចុងក្រោយ​ចុច​លើ​ប៊ូតុង "លុបកម្មវិធី"។

ការកំណត់កម្មវិធីឧបករណ៍ចល័ត

Uninstalling Tor Browser for Android using device app settings

អាស្រ័យលើ​ម៉ាក​ឧបករណ៍​ចល័តរបស់​អ្នក សូម​ចូល​ទៅកាន់ ការកំណត់ > កម្មវិធី បន្ទាប់មក​ជ្រើសរើស​កម្មវិធីរុករក Tor ហើយ​ចុច​លើ​ប៊ូតុង "លុបកម្មវិធី"។

ការ​ដោះស្រាយ​បញ្ហា

មើលកំណត់ត្រា Tor

View Tor logs on Tor Browser for Android

មើលកំណត់ត្រា Tor:

  1. បើកដំណើរការ Tor សម្រាប់ Android ហើយចុច 'Connect'.
  2. អំឡុង​ដំណើរការ សូម​អូស​ពី​ស្ដាំ​ទៅ​ឆ្វេង ដើម្បី​មើល​កំណត់ត្រា។ (ចំណាំ៖ តាម​លំនាំដើម សមត្ថភាព​ក្នុងការ​ថត​អេក្រង់​នៃ​កំណត់ត្រា​របស់ Tor ត្រូវបាន​បិទ​នៅលើ​កម្មវិធី​រុករក Tor សម្រាប់ Android។ កំហុស #40191)

ដើម្បី​ដោះស្រាយ​បញ្ហា​ទូទៅ​មួយចំនួន សូម​ចូលទៅកាន់ ការចូលទៅ Support Portal

បញ្ហា​ដែល​ស្គាល់

នៅពេលនេះ មុខងារ​មួយចំនួន​ដែល​មិនមាន​នៅលើ​កម្មវិធី​រុករក Tor សម្រាប់ Android ប៉ុន្តែ​វា​មាន​នៅលើ​កម្មវិធីរុករក Tor សម្រាប់​កុំព្យូទ័រ​លើ​តុ។

  • អ្នកមិនអាចឃើញប្រព័ន្ធ Tor ទេ#25764
  • កម្មវិធី Tor សម្រាប់ Android មិនអាចភ្ជាប់នៅពេលផ្លាស់ទីទៅ SD Card ។ #31814
  • អ្នក​មិន​អាច​ថត​​អេក្រង់​ពេល​កំពុង​ប្រើ Tor សម្រាប់ Android ទេ។ #27987
  • អ្នក​មិនអាច​បញ្ជូន​ឯកសារ​ដោយ​កម្មវិធី​រុករក Tor សម្រាប់ Android ទេ។ #40283
  • អ្នកមិនអាចបើកអាសយដ្ឋាន onion ដែលទាមទារការអនុញ្ញាតពី យថាភូតកម្មអ្នកប្រើ ។ #31672

ព័ត៌មានបន្ថែមទៀតអំពី Tor នៅលើឧបករណ៍ចល័ត

Orfox

Orfox ត្រូវបាន​ចេញ​ឱ្យ​ប្រើប្រាស់​ដំបូង​នៅ​ឆ្នាំ​2015 ដោយ​គម្រោង The Guardian ក្នុង​គោលបំណង​ឱ្យ​អ្នក​ប្រើប្រាស់ Android នូវ​វិធីរុករក​អ៉ីនធឺណិត​នៅលើ Tor។ រយៈពេល​បី​ឆ្នាំ​បន្ទាប់ Orfox ត្រូវបាន​កែសម្រួល​ជាបន្តបន្ទាប់ និង​ក្លាយជា​វិធី​ពេញនិយម​សម្រាប់​មនុស្ស​ក្នុងការ​រុករក​អ៉ីនធឺណិត​ដោយ​មាន​ភាពឯកជន​ជាង​កម្មវិធី​រុករក​ទូទៅ ហើយ Orfox មាន​សារសំខាន់​សម្រាប់​ជួយ​អ្នកប្រើប្រាស់​ឱ្យ​ជៀសផុត​ពី​ការឃ្លាំមើល និង​អាច​ចូលមើល​វេបសាយ​ដែល​ត្រូវបាន​រាំងខ្ទប់ និង​ធនធាន​សំខាន់ៗផ្សេងទៀត។ ក្នុងឆ្នាំ ២០១៩ Orfox was sunsetted បន្ទាប់ពីកម្មវិធី Tor ផ្លូវការសម្រាប់ប្រព័ន្ធប្រតិបត្តិការ Android ត្រូវបានចេញផ្សាយ។

Orbot

Orbot គឺជាកម្មវិធីប្រូកស៊ីឥតគិតថ្លៃដែលផ្តល់សិទ្ធិអំណាចដល់កម្មវិធីផ្សេងទៀតក្នុងការប្រើប្រាស់បណ្តាញ Tor ។ Orbot ប្រើ Tor ដើម្បីធ្វើកូដនីកម្មចរាចរណ៍អ៉ីនធឺណិតរបស់អ្នក។ បន្ទាប់មក អ្នកអាចប្រើវាជាមួយកម្មវិធីផ្សេងទៀតដែលបានដំឡើងនៅលើឧបករណ៍ចល័តរបស់អ្នក ដើម្បីចៀសវាងការចាប់ពិរុទ្ធ និងការពារប្រឆាំងនឹងការឃ្លាំមើល។ Orbot អាចទាញយក និងដំឡើងពី Google Play. ពិនិត្យ​មុន​our Support portal ដើម្បីដឹងថាតើអ្នកត្រូវការកម្មវិធី Tor សម្រាប់ប្រព័ន្ធប្រតិបត្តិការ Android និង Orbot ឬមួយណាក៏បាន។

Tor សម្រាប់ iOS

មិនមានកម្មវីធី Tor សម្រាប់ iOS ទេ។ យើងសូមណែនាំកម្មវិធី iOS ដែលមានឈ្មោះថា Onion ដែលជាកូដចំហ ប្រើប្រាស់ច្រក Tor និងត្រូវបានបង្កើតឡើងដោយអ្នកដែលធ្វើការយ៉ាងជិតស្និទ្ធជាមួយគម្រោង Tor ។ ទោះជាយ៉ាងណាក៏ដោយ Apple តម្រូវឱ្យកម្មវិធីរុករកតាមអ៉ីនធឺណិតនៅលើ iOS ប្រើអ្វីដែលហៅថា Webkit ដែលការពារ Onion ពីការការពារឯកជនភាពដូចគ្នានឹង Tor ។

ស្វែងយល់បន្ថែមអំពី Onion . ទាញយក Onion ពី App Store.

Tor សម្រាប់ ទូរស័ព្ទWindows

បច្ចុប្បន្នមិនមានវិធីសាស្រ្តដែលគាំទ្រសម្រាប់ដំណើរការ Tor នៅលើ ទូរស័ព្ទ Windows ចាស់ៗនោះទេ ប៉ុន្តែក្នុងករណីទូរស័ព្ទម៉ាក Microsoft ថ្មី/ដែលត្រូវបានផ្សព្វផ្សាយ ជំហានដូចគ្នានៅលើ Tor សម្រាប់​ Android អាចត្រូវបានអនុវត្តតាម។